Education Dainik बिहीबार, जेठ ७, २०८३

काठमाडौं । शहीद दशरथ चन्द स्वास्थ्य विज्ञान विश्वविद्यालय को उपकुलपति नियुक्तिका लागि गठित सिफारिस समितिको कार्यालयले योग्य व्यक्तिबाट आवेदन आह्वान गरेको छ। समितिले सार्वजनिक सूचना जारी गर्दै निर्धारित योग्यता तथा अनुभव पुगेका इच्छुक उम्मेदवारलाई आवेदन दिन आग्रह गरेको हो।

सूचनाअनुसार विश्वविद्यालयसँग सम्बन्धित क्षेत्रको उच्च शिक्षा, स्वास्थ्य विज्ञान तथा शैक्षिक नेतृत्वमा अनुभव भएका व्यक्तिले आवेदन दिन सक्नेछन्। इच्छुक उम्मेदवारले आवश्यक कागजातसहित सूचना प्रकाशित भएको मितिले १५ दिनभित्र आवेदन बुझाउनुपर्ने उल्लेख गरिएको छ।

समितिले आवेदन दिने उम्मेदवारका लागि शैक्षिक योग्यता, अनुभव तथा नेतृत्व क्षमतासम्बन्धी मापदण्डसमेत तोकेको जनाएको छ। आवेदनसम्बन्धी विस्तृत जानकारी तथा आवश्यक प्रक्रिया समितिको कार्यालय वा सम्बन्धित आधिकारिक माध्यमबाट प्राप्त गर्न सकिने बताइएको छ।

विश्वविद्यालयको नेतृत्व चयन प्रक्रियालाई पारदर्शी, प्रतिस्पर्धात्मक र गुणस्तरीय बनाउन खुला आवेदन आह्वान गरिएको समितिको भनाइ छ।