Education Dainik
सोमबार, असार २२, २०८३
काठमाडौँ। इन्स्टिच्युट अफ म्यानेजमेन्ट स्टडिज — आईएमएस कलेजलाई एजुकेशन एक्सिलेन्स अवार्ड्स २०२६ मा एक्सिलेन्स इन इन्स्टिच्युसनल गभर्नेन्स एन्ड इन्टेग्रिटी अवार्ड बाट सम्मान गरिएको छ।
एजुकेसन दैनिक र आई.वाई.एल.एफ. — इन्टरनेसनल यङ लिडर्स फोरमको आयोजनामा, अप्टिमेज ग्लोबलको प्रस्तुति तथा फ्युचर एड्भान्टेजको सहकार्यमा सम्पन्न समारोहमा आईएमएस कलेजलाई उक्त अवार्ड प्रदान गरिएको हो। कलेजका तर्फबाट कार्यकारी निर्देशक रोशन भट्टराईले अवार्ड ग्रहण गर्नुभएको थियो।
कार्यक्रम वरिष्ठ व्यक्तित्व कर्ण शाक्यको प्रमुख आतिथ्यतामा सम्पन्न भएको थियो। समारोहमा शिक्षाविद् रमेश सिलवाल, बैंकर मनोज ज्ञवाली, कृष्ण अधिकारी, रञ्जना प्रधान, नरेश प्रसाद श्रेष्ठलगायत विशिष्ट व्यक्तित्वहरूको विशेष उपस्थिति रहेको थियो।
आईएमएस कलेजले संस्थागत सुशासन, पारदर्शिता, शैक्षिक प्रतिबद्धता र जिम्मेवार व्यवस्थापनमार्फत उच्च शिक्षाको क्षेत्रमा सकारात्मक पहिचान बनाउँदै आएको छ। संस्थाले शिक्षा क्षेत्रमा कायम गरेको निष्ठा, गुणस्तरीय अभ्यास र व्यवस्थापकीय उत्कृष्टताको कदर गर्दै आयोजकले सम्मान प्रदान गरेको जनाएको छ।
समारोहमा शिक्षा क्षेत्रका विभिन्न संस्था, कलेज, विद्यालय, शिक्षा नेतृत्वकर्ता तथा समाजमा सकारात्मक योगदान पुर्याउने व्यक्तित्वहरूलाई विभिन्न विधामा सम्मान गरिएको थियो।
आयोजकका अनुसार एजुकेशन एक्सिलेन्स अवार्ड्स २०२६ को उद्देश्य शिक्षा क्षेत्रमा उत्कृष्ट कार्य गर्दै आएका संस्था तथा व्यक्तित्वहरूको योगदानलाई पहिचान, सम्मान र प्रोत्साहन गर्नु हो। यस्ता अवार्ड कार्यक्रमले शैक्षिक संस्थाहरूलाई अझ गुणस्तरीय, जिम्मेवार र भविष्यकेन्द्रित शिक्षा निर्माणका लागि प्रेरित गर्ने विश्वास आयोजकले व्यक्त गरेको छ।
